【 莫家強 】期權短評 – 如規定要借錢俾民企 內銀唔好再掂

有朋友話港股好難玩,的確係。而最難玩既地方係,方向經常轉變,而且好多時間要即時作出反應,慢少少都唔得。 「10點半」呢個方法,有時上堂我都會講。簡單而言,就係開市至10點半呢個時段,會係全日成交最大,以及對走勢最有代表性既時間。而通常,就算指數一開市就大跌,10點半前都會有反彈出現。 但相反,若果連反彈都無,就係對市況既一啲啓示。 我自己喺10點半左右加咗淡倉。 另外,今日想講多一樣嘢,就係要特別小心內銀股。 近日內地不斷話要推動內銀放寬放貸俾民企。有熟識內銀既朋友同我講過,之前內銀借錢俾國企,只要利潤計到數,就多多都借。但借俾民企,就有錢賺都未必會做。 兩者既風險,完全係兩回事。 假如未來佢哋真係無得揀,一定要借錢俾民企既話,幾大既內銀都有機會死。因此,除咗之前話唔好掂內房股之外,內銀板塊,都要睇路。 指數方面,早兩日都講,要睇通道頂可否突破得到。得既話,就阻力變支持。但唔得,又係完全另一回事,依家要睇埋通道底,位置大慨係24400點。 但無論如何,呢啲位,最好用有限風險既方法玩。Short Call、Short Put,真係唔好做咁多。我自己,倉位已經變為主要係debit spread。特別係唔可以經常睇到市既朋友,更加要小心保護自己。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 繼續睇實阻力位

噚日講過,等阻力位先造淡,贏面會比較大。現時,恒指最近既阻力位大概喺25300點。 另外,市場上亦已經見到有一啲股票有能力抗跌。其中,唔少中型既內銀股,過去3個月既股價已經無再跌。呢樣嘢,某程度上都反映咗港股既情況。 我既睇法係,如果內地經濟要崩潰,中型內銀股一定會跌到散哂。而相反,如果呢類形既股票可以企穩,或者就代表後市會有轉機。 策略方面,到25300點可以用有限風險既方法造淡。但如果恒指能夠克服呢個個關口,下一步就到衝擊下跌通道頂位。若都能突破,整體市況就會有所轉變。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 阻力位才造淡贏面較高

噚日講過,恒生指數既阻力位大概喺25300點。有朋友問,咁升唔到點算? 現時,港股大勢仍然向下,未到位其實都可以造淡。但當然,去到阻力位先開倉,贏面會大好多。 至於下跌通道,高低位大概喺26900點同24600點,而下跌則為每日40點,比之前稍為加速,換句話說,整個通道會以每月接近900點既速度下跌。 當然,要恒指突破下跌通道,仍要一段時間。但一啲板塊,例如今日表現都唔差既醫藥股,時間上可能比較近啲,值得留意。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 造淡留意下跌裂口阻力

  港股都無乜嘢好講,走勢繼續向淡,較穩陣既做法係趁啲股票反彈既時候造淡。 另外,講一講下跌裂口。 下跌裂口既阻力位,係喺裂口頂以上既位置。所以,好多時都係,恒指一補完裂口就會回跌。10月22號就係呢個情況。 然後,上週恒指再有下跌裂口出現,新阻力位大概喺25300點水平,想等反彈造淡既朋友,可以吼住。 要睇好既話,就要先等指數突破下跌通道再算。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – Long Put 要睇引伸波幅

港股有一個問題,就係造淡既投資工具,發展未夠成熟。 有好多時候,我哋係會睇到一啲股票,跌既機會好大,就如果真係想造淡,就會發現好多造淡既工具開價都唔靚,又或者選擇太少,唔係咁好做。 上堂同大家講過,今個跌浪,當然好多股票既表現都好差,但跌幅最大既通常都唔係傳統港資藍籌,或者國有企業,而係民企股。揀造淡既股票,可以循呢個方法去揾股。 今日,有啲內房股出現發彈,我覺得可以造下淡。但Long Put既話,要睇埋隻期權既引伸波幅。如果高過50%,槓桿就會好低,而時間值損耗都會好大,唔抵博。 但點都好,環球股市既波幅都增加咗好多,要小心風險。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 要買,就買強勢股

  上星期已經講過,港股開始出現「利好背馳」,指數表現雖然還未如理想,但有唔少股票已經開始逆市上升。另外,俾過三幅圖表大家睇。兩隻落後既銀行股,今日繼續彈唔起。但另一隻醫藥股,就升超過6%。 唔想冒太大風險既朋友,可以等個市再升穩啲先入市。但當然,亦有唔少股票跑咗出嚟,買升已有一定值博率,博唔博,大家自己決定。 但一樣嘢,要買,就買啲跑贏大市既股票。 現時我會重點留意幾樣嘢。第一,升市成交可否持續突破千億元,今日有機會做到,但就唔好第二日就打回原形。第二,升市股票上升數能否持續多於800隻,做到,買股票就會有更多選擇。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 上升股票數目增加

過去幾日,雖然恒指表現唔係太掂,但大市都keep住有超過500隻股票上升。今日,指數一升,上升股票數目就增加至超過700隻。 後市,純粹睇恒生指數,未必可以升得太多。但之前一直都講,呢個階段最重要係揀股。特別係,我哋要留意住有邊啲股票係市跌佢唔跌,而市升佢就跟升,要博,就博呢啲。 當然,現階段買貨,會有一定風險,大家要注意返。 同時間,有啲股票,市跌就跟跌,市升反彈完好快就無力回落,呢啲股票仍然可以逢高造淡。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 到達決戰時刻

    今日,想集中update一下恒指下跌通道既情況。 現時,通道頂位大概處於28000點左右,並以每日約24點既速度下跌。換句話說,一個月會跌約500點。 呢個情況,有啲決戰既意味。 恒指,若能夠企穩再上,大概兩個星期後,就能夠徹底擺脫下跌通道,整體走勢亦會變得靚仔好多。 而我諗大家都有留意到,最近多咗好多大行開始話睇返好新興市場,以及話中資股跌幅已過大,有長線投資價值。 暫時,已有部份資金開始重回港股,但好明顯,以此刻既成交估算,肯定有好多大戶只係口講睇好,但未係真正大舉入市。 咁幾時先會大舉入市? 投資市場,永遠都係瘦田無人耕,耕開就有人爭。只要整體港股可以突破下跌通道,走勢改善,就會吸引到更多資金流入股市。到時,就係我哋博Long Call既機會。 留意住呢啲signal,一有機會就跟策略做啦。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 成交縮減 大市有穩憂

美國再對中國貨品加徵關稅,但純粹以今早恒指既反應去睇,表現其實唔算太差。只不過,大市成交再有回落跡象,今日整日成交預料只會有7百多億,呢種情況下,港股好難大升。 短期恒指既走勢可能仍會以窄幅上落為主。通道高低大概係28100點同26300點,近高位可試造淡,近低位可試博反彈,直至市況有明顯轉變為止,到時再update大家。 另外,近月期權既引伸波幅都有少少回升,我自己都開始用啲贏面高既期權策略收時間值,例如係SPH。但記住,要做好風險管理。 風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。       風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

【 莫家強 】期權短評 – 有人睇好 有人睇淡 兩邊答哂

  有朋友問可唔可以做Long Call,亦有朋友問可唔可以做Long Put。呢個post,我想幫大家攪清楚個市既情況,之後相信大家會更清楚應該點做。 1) 午後恒指已經跌穿8月16日低位26871點。有跟開FB既朋友應該會知,我成日都講,近年恒指走勢非常陰濕,試過好多次係一穿底就反彈。今次,我估會出現反彈既機會大概有6至7成。最理想可以升到28200點。但博唔博,大家自己考慮。 2) 博唔到,恒指有可能要下試25000點以下。所以,博都好,一定要用有限風險既方法。 3) 就算有反彈,個市都可以陰濕到一個點,係聽日一早再跌多一下先見底。大膽既朋友,可以今日收市前博。唔擔心走失機會,可以聽朝吼低先博。有反彈就坐過夜,無就收市前止蝕。 4) 恒指已經跌到區間底。之前做咗淡倉既朋友,較穩陣既做法其實開始食糊。 5) 如果睇個市會再次崩潰,不妨將賺返嚟既錢既一部份,買入即月25600 Put。9月尾前個市唔大跌,最多輸170點左右。但大跌,回報可以係幾倍以上。記住,又要風險低,又要潛在回報高,玩法係細注高槓桿。 係呀,個市去到待變位,老套講句,真係升跌都有可能。但無論睇好、睇淡,最重要既係唔好俾自己輸大錢。 下星期就會知個區間底可唔可以守得住,到時走勢就會明朗好多。 等講座再同大家分享多啲我對個市既睇法。   風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。

Read more

本網站所包含或提供的資料或材料僅為提供信息,並根本不打算令閣下根據這資料來作交易或投資之用。
對於網站上傳輸的任何資料或材料的正確性、實用性或可獲得性,本網站不承擔任何責任。
對於任何基於此類資料或材料所作的交易或投資決定,本網站也不承擔任何責任。

承印人:Home Concept Group Limited

地址:尖沙咀金巴利道35號金巴利中心13樓03室